Zerbitzu karta

Breadcrumb

IZ Zerbitzu karta

Ignacio Aldecoa Kultura Etxearen Zerbitzuak zerbitzu karta du, erabiltzaileei ematen zaizkien zerbitzuak eta haien eskubideak jasotzen dituena. Era berean, zerbitzu horiei dagokienez hartutako kalitate konpromisoak adierazten dira.

Helburua eta misioa

Ignacio Aldecoa Kultura Etxearen misioa da herritarrei eskuragarri jartzea informazioa, kultura eta bizialdi osoko hezkuntza. Guztientzat irekita dagoen espazioa da, eta bere xedea da askotariko informazio, prestakuntza, aisialdi eta ezagutza beharrak asetzea. Kultura programazioa, liburutegi publikoaren zerbitzua eta ondare bibliografikoaren kontserbazioa eskaintzen ditu.

Zerbitzuen zerrenda

Jarduera Soziokulturalak

Jarduera soziokulturalak
Kultura etxeak eta beste erakunde eta kolektibo batzuen antolatuta

Hitzaldiak
Ikastaroak, tailerrak, mintegiak eta abar
Literatura jarduerak
Proiekzio zinematografikoak
Formatu txikiko erakusketak
Formatu txikiko arte eszenikoak

Dokumentuak mailegatu eta kontsultatzea

Liburuak, prentsa eta aldizkariak kontsultatzea eta irakurtzea
Dokumentu digitalak eskuratzea
Liburuak, aldizkariak, musika eta zinema banaka edo kolektiboki mailegatzea
Liburutegien arteko mailegu bidez beste liburutegi batzuetako dokumentuak eskuratzea
Dokumentuen erreprodukzioa
Erosketa iradokizunak
Dohaintzak jasotzea

Prestakuntza eta informazioa eskuratzea

Erabiltzaileei prestakuntza ematea dokumentuak bilatzeko eta liburutegiko baliabideak erabiltzeko
Bisita gidatuak
Irakurketa gidak eta berritasunen buletinak
Funts propioen erakusketak (urteurrenak, ekitaldiak, gaiak eta autoreak)
Sarbide elektronikoa katalogora eta zerbitzu digitalak
Interneten sartzeko postuak eta WIFI konexioa

Erabiltzaileen eskubideak eta betebeharrak

Eskubideak

Libreki eta dohain eskuratzea Kultura Etxearen zerbitzuak, inolako diskriminaziorik gabe eta indarreko araudiak ezarritako zehaztapenetan eta baldintzak betez.
Kultura Etxeko langileen arreta zuzena eta profesionala jasotzea.
Intimitaterako eskubidea bermatuta izatea. Nahitaezkoa da modu konfidentzialean tratatzea erabiltzaileei emandako materialei eta zerbitzuei buruzko informazioa eta haien datu pertsonalak, ordenamendu juridikoan ezarritakoari jarraituz.
Kexak edo iradokizunak aurkeztea eta erantzuna jasotzea.
Zerbitzuak erabiltzeko prestakuntza jasotzea.
Informazio bibliografikoaren kokapenari eta eskuratzeko moduari buruz informazioa, aholkularitza eta laguntza jasotzea.
Liburutegiko funtsetan ez dauden materialak eskuratzeko iradokizunak egitea.
Kultura Etxeko jarduera publikoetan eta irekietan parte hartzea.

Betebeharrak

Funtsak, ekipoak eta instalazioak erabiltzeko araudia errespetatzea.
Txartelaren eta haren erabileraren ardura izatea.
Langileenganako eta erabiltzaileenganako jokaera zuzena izatea.
Zenbait zerbitzu erabiltzeko identifikatzea.
Kultura Etxeko funtsak eta zerbitzuak erabiltzean, jabetza intelektualaren arloan indarrean dagoen legeria errespetatzea.
Ez jatea eta ez edatea.
Kultura Etxean egon bitartean norbere objektu pertsonalen gaineko ardura izatea.
Bilduman edo instalazioetan ikusitako kalteak zentroko langileei jakinaraztea.
Gurasoek, tutoreek eta irakasleek adingabekoen edo beren ardurapeko taldearen jokaera
gainbegiratuko dute.

Kartaren hizpide diren zerbitzuei aplikatzekoa zaien araudia (estatukoa eta autonomia erkidegokoa)

11/2007 Legea, urriaren 26koa, Euskadiko Liburutegiei buruzkoa.
10/2007 Legea, ekainaren 22koa, Irakurketarena, liburuena eta liburutegiena.
6/2019 Legea, maiatzaren 9koa, Euskal Kultura Ondarearena.

Konpromisoak eta adierazleak

Konpromiso orokorrak	Tratu adeitsua eta profesionala ematea, eta gutxienez 10etik 8ko puntuazioa eskuratzea erabiltzaileen gogobetetze inkestan.	Gogobetetze inkestan eskuratutako batez besteko nota.
Konpromiso orokorrak	Kultura Etxean idatziz aurkeztutako kontsulta, iradokizun eta kexa guztiei 7 laneguneko epean erantzutea.	Epe barruan emandako erantzunen ehunekoa.
Jarduera soziokulturalak	Urtean, gutxienez 500 jarduera soziokultural eskaintzea publiko guztiei zuzenduta. Herritarren interesak asetzea eta eta jardueretan gutxienez 10etik 7ko puntuazioa eskuratzea.	Eskaini diren jardueren kopurua.
Jarduera soziokulturalak		Jardueren gogobetetze inkestetan eskuratutako emaitza.
Dokumentuak mailegatu eta kontsultatzea	Gutxienez 5000 dokumentu berri sartzea dokumentuen funtsean eta bilduma egokitzea herritarren interesak kontuan hartuta. Erabiltzaileen gogobetetze inkestan gutxienez 10 puntutik 7 eskuratzea.	Sartutako dokumentu kopurua zenbatzea (eskuratzeak eta dohaintzak).
		Gogobetetze inkestako galderan jasotako nota.
	Bibliografia funtsa ordenatuta, ongi seinaleztatuta eta egoera egokian mantentzea, eta berritasunak eskuratzeko erraz egotea. Gutxienez 10 puntutik 7 eskuratzea erabiltzaileen gogobetetze inkestan.	Gogobetetze inkestako galderan jasotako nota.
	Liburutegien arteko mailegu zerbitzuaren bidez eskatutako materialak 10 egun baliodunean lortzea eta gorabeheraren bat egonez gero, eskatzaileari jakinaraztea 15 egun baliodun igaro baino lehen.	Ebatzitako transakzioen eta komunikazioen ehunekoa.
Prestakuntza eta informazioa eskuratzea
	Urtero gutxienez 45 eskaintzea irakurketa sustatzeko ekimenak.	Urtean egindako jardueren kopurua.
	Eguneratuta mantentzea informazio kanalak eta bilduman sartutako programazioa eta berritasunak hedatzea. 10 puntutik 7 eskuratzea gogobetetze inkestan.	Gogobetetze inkestako galderan jasotako nota.

Kexen eta iradokizunen sistema

Erabiltzaileek gure zerbitzua hobetzen lagundu dezakete iradokizuna, kexa edo esker ona aurkeztuz, bai aurrez aurre, Kultura Etxean, horretarako dagoen inprimakia erabilita.

Hobekuntzan laguntzeko beste modalitate batzuk