Irakurketa ordua - kulturaetxea
Ignacio Aldecoa Kultura Etxeak "Irakurketa ordua" jarduera antolatzen du. Jarduera Haur Hezkuntzako 2. mailatik Lehen Hezkuntzako 2. mailara bitarteko haurrentzat da. Ordubete inguru irauten du, eta egitura hau du:
- Liburutegiari, zerbitzuei eta eskaintzen dituen aukerei buruzko sarrera txiki bat.
- Irakurketa saioa curriculumeko hiru komunikazio hizkuntzetan (euskara, gaztelania eta ingelesa).
- Taldeak haurrentzako saila modu autonomoan esploratzeko eta bere adinerako egokia den funtsarekin elkarreragiteko denbora tartea.
Jardueraren helburua
Haur liburutegien helburuetako bat da haurtzaroan irakurtzeko ohitura sortzea eta sendotzea, lehenengo urteetatik hasita. Ipuinek komunikazioa eta ahozko adierazpena errazten dituzte adin horietan, baita irakurketa-idazketa ikastea ere ondorengo hezkuntza etapetarako. Eta hori guztia alderdi ludikoa ahaztu gabe; izan ere, hura transmititzen saiatzen gara, istorioak entzuteko eta liburutegira hurbiltzeko plazera senti dezaten.
Nola eskatu bisita bat
Eskaerak aurkezteko epea irailaren 2tik 20ra izango da. Epea amaitu ondoren, mezu elektroniko bat bidaliko zaie ikastetxe eskatzaileei, bisitarako ezarritako eguna eta ordua jakinarazteko.
Bisitak urritik maiatzera bitartean programatzen dira, asteazken eta ostegunetan, 9:30etik 12:00etara bitartean.
Kontuan hartu beharreko alderdi batzuk:
- Plazak mugatuak dira. Bisiten esleipena eskaera ordena zorrotzean egingo da, eta ikastetxeei posta elektronikoz jakinaraziko zaie.
- Eskariaren arabera, bisitak banatuko dira, ahalik eta zentro gehienei erantzuteko.
- Eskatu badu eta plazarik ez badago, itxaron zerrenda batean sartuko da.
- Ikastetxeek behar besteko aurrerapenaz jakinarazi behar dute bisita bertan behera utzi edo aldatu dutela, bisita beste talde bati eskaini ahal izateko.
- Zuen ikasleek liburutegiko txartela jasotzea nahi baduzue, eskaera-formularioa bete behar duzue. Behar besteko aurrerapenarekin egiten bada, txartelak bisitan zehar emango dira.
Liburutegirako bisita didaktikoei buruzko kontsultak posta elektroniko honen bidez egin daitezke: ccuinfantil@araba.eus.