Ipuin idazketa tailerra - kulturaetxea
Joxemari Iturralde idazleak emango du, euskaraz, ipuinak idazteko tailerra.
Idazleak ipuingintzan interesa duten idazle hasiberrientzako gakoak eta ezagutzak partekatuko ditu.
Ignacio Aldecoa Kultura Etxearen eta Izaskun Arrue Kulturgunearen arteko lankidetzaren emaitza da tailerra, Ipuin Literarioen Nazioarteko Jaialdiaren baitan.
Nola parte hartu tailerrean?
Izena emateko online formulario hau bete behar da plaza lortzeko. Izena emateko epea urriaren 26an hasiko da.
Gehienez 20 plaza egongo dira. Plazak izena emandako hurrenkeraren arabera esleituko dira. Parte-hartzaileek 16 urtetik gorakoak izan behar dute.
Saioen egutegia
Tailerra 10 saiotan egingo da. Lehenengo 3ak Izaskun Arrue Kulturgunean izango dira, eta gainerako 7ak Ignacio Aldecoa Kultura Etxean. Tailerra azaroan hasi eta maiatzean amaituko da. Saio guztiak asteazkenetan izango dira, arratsaldeko 6etan. Hau da egutegia:
|
|
|
|---|---|
| Azaroak 18 | Urtarrilak 13 |
| Azaroak 25 | Otsailak 10 |
| Abenduak 16 | Otsailak 24 |
| Martxoak 17 | |
| Apirilak 14 | |
| Maiatzak 5 | |
| Maiatzak 19 |
Informazio gehiago
JOXEMARI ITURRALDE | Euskal literaturan ezinbestekoa eta ibilbide luzekoa, Pott Bandaren kide sortzailea izan zen 70eko hamarkadan. Eleberriak, kontakizun laburrak, haur eta gazte literatura, musikarako testuak zein prentsarako artikulu ugari argitaratu ditu. Horrez gain, beste hizkuntza batzuetatik euskarara itzulpenak ere egin ditu. Bere olerkietako asko hainbat abeslarik, taldek eta abesbatzak kantatu eta grabatu dituzte.
ALDECOA IPUIN JAIALDIA | Narrazio laburrari eskainitako jaialdi hau 2024. urtetik ospatzen da Gasteizen. Bertako zein nazioarteko ahots garrantzitsuak biltzen ditu, irakurketak, solasaldiak eta bestelako ekimen mota batzuetan. Ezinbesteko topagunea bilakatu da ospatu diren hiru edizioetan.